Arsenali ka arritur të shënoj fitoren e katërt në po aq ndeshje në Ligën e Kampionëve. ‘Topçinjtë’ triumfuan me rezultat 3-0 në udhëtim tek Slavia Prague.

Serinë e golave e hapi Saka në minutën e 32-të nga penalltia, shkruan Arbresh.info.

Dy golat e tjerë u shënuan në pjesën e dytë. Me të nisur 45 mintuëshi i dytë, Merino realizoi për 0-2 pas një asistimi nga Trossard.

Po i njëjti futbollisti realizoi edhe golin e tretë duke e vulosur fitoren në minutën e 68-të.

Deri në fund, Slavia Prague fitoi një penallti në minutën e 84-të, por kur u rishikua në VAR u anulua.

Arsenali arkëtoi tre pikët e radhës në Ligën e Kampionëve, dhe tregoi edhe njëherë që përvec që po shënon edhe nuk po pëson, ku ende as pas katër ndeshjeve nuk e ka marrë as edhe një gol.

Skuadra e Artetas tashmë ka 12 pikë, kurse çekët kanë dy sosh.

Ndeshjen e radhës, Arsenali e luan derbin me Bayernin derisa Slavia do të luaj me Bilbaon./Arbresh.info